काठमाडौं । प्रधानमन्त्री पुप्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओलीबीच भेटवार्ता जारी छ । बालुवाटारमा जारी रहेको बैठकमा तीनै दलका सचेतकहरू पनि थपिएका छन् ।
बैठकमा उपप्रधान तथा रक्षा मन्त्री पूर्णबहादुर थापा, एमालेका संसदीय दलका उपनेता सुवास नेम्वाङ, कांग्रेस प्रमुख सचेतक रमेश लेखक र माओवादीका हितराज पाण्डे थपिएका हुन्।
प्रधानमन्त्रीको सचिवालयले दिएको जानकारी अनुसार बैठकमा संसदको प्रभावकारिता, आर्थिक वर्ष २०८०/८१ को नीति तथा कार्यक्रममा केन्द्रित रहेर छलफल भइरहेको छ। यद्यपी, नक्कली भुटानी शरणार्थी प्रकरणको अनुसन्धानमा हाई प्रोफाइल मुछिएपछि प्रमुख दलका शीर्ष नेताहरूको भेटघाट बाक्लिदै गएको छ ।
नक्कली भुटानी शरणार्थी प्रकरणमा पूर्व गृहमन्त्री एवं कांग्रेस नेता बालकृष्ण खाण लगायत दर्जन बढी पक्राउ परिसकेका छन् ।पूर्व उपप्रधानमन्त्री एवं एमालेका नेता टोपबहादुर रायमाझी भने फरार रहेका छन् ।
