काठमाडौं । ईन्डियन प्रिमियर लिग (आईपीएल) मा आज पञ्जाब किंग्स र लखनउ सुपर जायन्ट्स भिड्दैछन् ।
पन्जाबको घरेलु बिन्द्रा क्रिकेट स्टेडियम मोहालीमा हुने खेल नेपाली समयअनुसार बेलुका ७ः४५ बजेबाट सुरु हुनेछ ।
आज पन्जाब र लखनउ दुबैले यस सिजनको आठौ खेल खेल्दैछन् । पन्जाबले लिगको सुरुआत राम्रो गरेपनि पछिल्ला केही खेलमा निराशाजनक नतिजा हात पारेको छ । पन्जाब सात खेलमा चार जित र तीन हारका साथ छैटौं स्थानमा रहेको छ । आजको खेल जितेर पन्जाब पुनः परानै लयमा फर्कन चाहन्छ ।
लखनउ पनि यस खेलमा जित हात पारी शीर्ष स्थानको लागि दावेदारी पेश गर्न चाहन्छ । लखनउ सात खेलमा चार जित र तीन हारका साथ अंक तालिकाको चौथो स्थानमा रहेको छ ।
पञ्जाब किंग्सले आफ्नो अन्तिम खेलमा मुम्बई इन्डियन्ससँग १३ रनले हार बेहोरेको थियो। पञ्जाब किंग्सका लागि हरप्रीत सिंह र साम कुरानले क्रमशः ४१ रन र ५५ रन बनाएका थिए।
अर्कोतर्फ, लखनउ सुपर जायन्ट्स पनि आफ्नो अन्तिम खेलमा गुजरात टाइटन्ससँग ७ रनले पराजित भएको थियो । कप्तान केएल राहुलले ६८ रन बनाएपनि आफ्नो टिमको पोल्टामा जित पार्न सकेनन् ।
यी दुई टोलीले आईपीएलको इतिहासमा अहिलेसम्म एकअर्काविरुद्ध २ खेल खेलेका छन् जसमा पञ्जाब किंग्स र लखनउ सुपर जायन्ट्सले एक–एक खेल जितेका छन् । यस सिजनमा उनीहरूले पछिल्लो पटक एकअर्कासँग खेलेका पञ्जाब किंग्सले लखनऊ सुपर जाइन्ट्सलाई २ विकेटले पराजित गरेको थियो।
