एजेन्सी । इन्डियन प्रिमियर लिग (आईपीएल) २०२३ को ३१ औं खेलमा पञ्जाव किंग्सले मुम्बई इन्डियन्सलाई १३ रनले पराजित गरेको छ । मुम्बईको वानखेडे स्टेडियममा भएको रोमाञ्चक खेलमा पञ्जाबले २० ओभरमा आठ विकेट गुमाएर २१४ रन बनाएको थियो । हरप्रित सिंह भाटियाले २८ बलमा ४१ रन र कप्तान साम करनले २९ बलमा ५५ रन बनाए ।
जवाफमा मुम्बईको टोलीले २० ओभरमा ६ विकेट गुमाएर २०१ रन मात्रै बनाउन सकेको थियो । क्यामरन ग्रीनले ४३ बलमा ६७ रन, सूर्यकुमार यादवले २६ बलमा ५७ रन र कप्तान रोहित शर्माले २७ बलमा ४४ रन बनाए ।
मुम्बईलाई जितका लागि अन्तिम ओभरमा १६ रन जोड्नु परेको थियो । मुम्बईबाट तिलक वर्मा र टिम डेभिड क्रिजमा थिए । अर्शदीप सिंहले बलिङ गरिरहेका थिए । टिम डेभिडले पहिलो बलमा एक रन लिए । अर्को बलमा तिलक वर्माले कुनै रन बनाउन सकेनन् । तिलक तेस्रो बलमा अर्शदीपबाट क्लिन बोल्ड भए । तिलकले तीन रन बनाउन सके ।
अर्शदीपले यो योर्कर बलमा मिडल स्टम्प तोडेका थिए । यस पछि स्टम्प प्रतिस्थापन गरियो । चौथो बलमा अर्शदीपले नेहल वढेरालाई योर्कर हाने र मिडल स्टम्पलाई फेरि तोडिदिए । त्यसपछि स्टम्प फेरि परिवर्तन भयो । नेहलले खाता खोल्न सकेनन् । अर्शदीपले पाँचौं बलमा कुनै रन दिएनन् । अन्तिम बलमा जोफ्रा आर्चरले एक विकेट लिए । यसरी अन्तिम ओभरमा अर्शदीपले दुई रन मात्र खर्चेर दुई महत्वपूर्ण विकेट लिए । खेलमा पञ्जाब १३ रनले विजयी भयो ।
आईपीएलमा मुम्बई र पञ्जाबबीच हालसम्म कुल ३० खेल खेलिएका छन् । यी दुवैले १५–१५ खेल जितेका छन् । योसँगै दुवै टोली वानखेडेमा १० पटक आमनेसामने भएका छन् । पञ्जाबले पाँच र मुम्बईले पनि पाँच खेल जितेको छ ।
यो जितसँगै पन्जाबले सात खेलमा चार जित र तीन हारसहित आठ अंक जोडेको छ । टोली अंक तालिकाको पाँचौं स्थानमा छ । यस्तै, मुम्बई ६ खेलमा तीन जित र तीन हारका साथ सातौं स्थानमा छ ।
पञ्जावको इनिङ्स
टस हारेर पहिले ब्याटिङ गरेको पञ्जावको सुरुवात खराब रह्यो । क्यामरन ग्रिनले म्याथ्यु शर्टलाई पियुष चावलाको हातबाट आउट पारे । उनले १० बलमा ११ रन बनाउन सके । त्यसपछि प्रभसिमरन सिंह र अथर्व तायडेले दोस्रो विकेटका लागि ४७ रनको साझेदारी गरे ।
अर्जुन तेन्दुलकरले सातौं ओभरमा उत्कृष्ट योर्करमा प्रभासिमरनलाई एलबीडब्लू आउट गरेका थिए । वानखेडेमा अर्जुनको यो पहिलो विकेट हो भने आईपीएलमा समग्रमा दोस्रो विकेट हो । प्रभासिमरनले १७ बलमा एक चौका र दुई छक्का प्रहार गर्दै २६ रनको इनिङ खेले । यसपछि पियुष चावलाको स्पिनको जादु सुरु भयो । उनले १० औं ओभरमा प्रथम विकेटकिपर इशान किशनले लियाम लिभिङस्टोनलाई स्टम्प गरेका थिए । त्यसपछि सोही ओभरमा अथर्व तायडेलाई बोल्ड गरे ।
लिभिङस्टोनले १२ बलमा १० रन बनाए भने अथर्व १७ बलमा ३ चौका र एक छक्काको मद्दतले २९ रन बनाएर आउट भए । यसपछि वानखेडे स्टेडियममा साम करण र हरप्रीतको आँधी देखियो । दुवैले पाँचौं विकेटका लागि ५० बलमा ९२ रनको साझेदारी गरे । सामले २९ बलमा ५ चौका र चार छक्का प्रहार गर्दै ५५ रनको इनिङ खेले । यो उनको आईपीएल करियरको तेस्रो अर्धशतक हो । यस क्रममा सामको स्ट्राइक रेट १८९.६६ थियो । योसँगै हरप्रीतले २८ बलमा चार चौका र दुई छक्काको मद्दतमा ४१ रनको इनिङ खेले ।
यस क्रममा उनको स्ट्राइक रेट १४६.४३ थियो। जितेशले ३५७.१४ को स्ट्राइक रेटमा चार छक्का प्रहार गर्दै २५ रनको इनिङ खेले । हरप्रित ब्रारले दुई बलमा पाँच रन बनाएर अविजित रहे । मुम्बईका लागि क्यामरन ग्रीन र पियुष चावलाले २–२ विकेट लिए । यस्तै, अर्जुन, बेहरेनडोर्फ र आर्चरले एक–एक विकेट लिए ।
मुम्बईको इनिङ्स
२१५ रनको विशाल लक्ष्य पछ्याएको मुम्बईको टोलीको सुरुवात खराब रह्यो । इशान किशन एक रन बनाएर अर्शदीपको हातमा क्याच आउट भए । यसपछि कप्तान रोहित शर्मा र क्यामरुन ग्रीनले दोस्रो विकेटका लागि ७६ रनको साझेदारी गरे । रोहितलाई आउट गर्दै लियाम लिभिङस्टोनले यो साझेदारी तोडेका थिए ।
रोहित २७ बलमा चार चौका र तीन छक्काको मद्दतले ४४ रन बनाएर आउट भए । त्यसपछि क्यामरन ग्रीन र सूर्यकुमार यादवले तेस्रो विकेटका लागि ७५ रनको साझेदारी गरे । क्यामरन ग्रीन ४३ बलमा ६७ रन बनाएर आउट भए । आफ्नो इनिङ्समा उनले ६ चौका र तीन छक्का प्रहार गरे । सोही क्रममा सूर्यकुमारले २६ बलमा ७ चौका र तीन छक्का प्रहार गर्दै ५७ रनको इनिङ खेले ।
सूर्यलाई अर्शदीपले अथर्व तायडेको हातमा क्याच आउट ग रे। अन्तिम पाँच ओभरमा मुम्बईलाई ६६ रन चाहिएको थियो । ग्रीन र सूर्या आउट भएपछि मुम्बईलाई अन्तिम दुई ओभरमा ३१ रन चाहिएको थियो । १९ औं ओभरमा १५ रन आए भने अर्शदीपले अन्तिम ओभरमा २ रन दिए । टिम डेभिडले १३ बलमा २५ रन बनाएर अविजित रहे भने जोफ्रा आर्चरले एक रन बनाए ।
पञ्जावका अर्शदीपले सर्वाधिक ४ विकेट लिए । योसँगै अर्शदीपले पञ्जावबाट खेल्दै ५० विकेट पूरा गरेका छन् । अर्शदीपले अहिलेसम्म ४४ आईपीएल खेलमा ५३ विकेट लिएका छन् । अर्शदीपका अलावा नाथन एलिस र लिभिङस्टोनले एक–एक विकेट लिए ।
