काठमाडौं । नेकपाका महासचिव नेत्रविक्रम चन्द विप्लवले सत्ता गठबन्धन सरकारको कुनै आयु नभएको बताएका छन् ।
शनिबार कम्युनिष्ट पार्टीको स्थापना दिवसमा आयोजित कार्यक्रमलाई सम्बोधन गर्दै उनले अहिलेको सरकार नै नभएको टिप्पणी गरेका छन् ।
उनले अहिलेको सरकारले जनतामाथि मजाक गरिरहेको र व्यक्तिको स्वार्थका लागि देशलाई कंगाल बनाउने कदम स्वीकार्य नभएको बताए।
‘चुनाव भएको पाँच छ महिना भइसक्यो। खै सरकार, सरकार नै छैन नि। यो बनेको सरकार पनि कति दिन हो भनेर गन्दै छन् बाहिर, मिडियामा देखिन्छ यति दिन, यो यता, उ उता भनेर। मन्त्री पाएन भने फेरि अर्कै रे।,’ उनले थपे, ‘सरकार भनेको जनतामाथि मजाक गर्ने साधन हो ?’।
