एजेन्सी । सेभिया युरोपा लिगको सेमिफाइनलमा प्रवेश गरेको छ । गएराति भएको क्वाटरफाइनलको दोस्रो लेगमा स्पेनिस क्लब सेभियाले इंग्लिस क्लब म्यान्चेस्टर युनाइटेडलाई ३–० गोलले पराजित गर्दै समग्रमा ५–२ को नतिजासहित अन्तिम चारमा स्थान बनाएको हो ।
सेभियालाई घरेलु मैदानमा जित दिलाउन खेलको ८ औं र ८१ औं मिनेटमा युसेफ एन नेसीरीले दुई गोल गरे भने ४७ औं मिनेटमा लोइक बेडले एक गोल थपे । यसअघि युनाइटेडको घरेलु मैदानमा भएको पहिलो लेग २–२ को बराबरीमा सकिएको थियो ।
म्यान्चेस्टर युनाइटेडको यो सिजनको युरोपा लिगको यात्रा क्वाटरफाइनलबाटै टुंगिएको छ । यस्तै, सेभियाले अब सेभिफाइनलमा इटालियन क्लब युभेन्ट्ससँग मे ११ मा खेल्नेछ ।
