काठमाडौं । बिहीबार त्रिभुवन अन्तर्राष्ट्रिय विमानस्थल ६ घण्टा बन्द हुने भएको छ । विमानस्थलमा अनलाइन यूपीएस जडान गरिने भएकाले ६ घण्टाको लागि आन्तरिक र अन्तर्राष्ट्रिय उडान बन्द गर्न लागिएको हो ।
बिहान १ बजेदेखि ७ बजेसम्म विमानस्थलमा कुनै पनि उडान/अवतरण नहुने विमानस्थलका महानिर्देशक प्रतापबाबु तिवारीले जानकारी दिए ।
महानिर्देशक तिवारीले एक सूचना जारी गर्दै भनेका छन्, ‘विमानस्थलको विद्युत आपूर्ति प्रणालीलाई थप सुदृढ बनाउने क्रममा अनलाइन यूपीएस जडान गर्ने काम जारी रहेदा विभानस्थलभित्रको विद्युत आपूर्ति बन्द हुने हुनाले यो अवधिमा उडान तथा अवतरण बन्द रहनेछ ।’
