काठमाडौं । नेपालमा जन्मिएर अमेरिकालाई कर्मथलो बनाएका गायक कृष्ण बुढाथोकीका नयाँ गीतको म्युजिक भिडियो सार्वजनिक भएको छ ।
‘वनमा मैना छ’ बोलको गीतको म्युजिक भिडियोमा चर्चित मोडलहरुले अभिनय गरेका छन् ।
रमरम मरौटि बोलको म्युजिक भिडियोमा अभिनय गरेका ओवि रायमाझी, मोडल लोसिना लामिछाने तथा यसु भट्टराईले भिडियोमा अभिनय गरेका छन् ।
यसअघि पनि थुप्रै म्युजिक भिडियो तथा गीतहरुमा स्वर भरेका कृष्ण बुढाथोकी विगत लामो समय देखी अमेरिकामा रहँदै आएका छन् । उनले यसअघि ‘जादु रैछ मायाको बोलीमा’, ‘संविधान आउँछ बरिलै’ लगायतका गीतहरुमा स्वर दिनुका साथै अभिनय पनि गरेका छन् ।
‘वनमा मैना छ’ बोलको गीतलाई उनले अमेरिकामै रकेर्ड गराएका हुन् भने सुटिङ नेपालमै भएको हो । बिग बजेटमा निर्माण गरिएको म्युजिक भिडियोलाई काजिश श्रेष्ठले निर्देशन गरेका छन् भने राजेश घिमिरिले खिचेका छन् दिपक विष्टले सम्पादन गरेका छन् । रमेश परियारको शब्द संगितमा तयार भएको गीतमा कृष्ण बुढाथोकीसँग सुनिता बुढा क्षेत्रीले स्वर भरेकी छिन् ।
अत्यन्तै मिठो अनि र्सिजनशिल शब्दहरु राखिएको गीतलाई युट्युबमा निकै रुचाइएको छ । रमेश परियार तिनै गीतकार हुन् जस्ले सालको पात उडायो बतासैले बोलको गीतमा लय तथा शब्द लेखेका थिए । यो गीत रमेश परियार युट्युब च्यानल मार्फत सार्वजनिक गरिएको छ ।
