काठमाडौँ । राष्ट्रिय स्वतन्त्र पार्टी (रास्वपा) ले आफ्ना सांसद ढाकाकुमार श्रेष्ठले दुई करोड मागेको विषय संसद्लाई जानकारी गराएको छ ।
प्रतिनिधिसभाको सोमबार बसेको बैठकमा रास्वपाका प्रमुख सचेतक सन्तोष परियारले मन्त्री बन्नका लागि आफ्ना सांसद श्रेष्ठले मेडिकल व्यावसायी दुर्गा प्रसाईंसँग टेलिफोनबाट दुई करोड रुपैयाँ मागेको विषय संसद्लाई जनकारी गराउनुभएको हो ।
बैठकमा उहाँले यो विषयमा पार्टीले गम्भीर रुपमा लिएको र छानबिन भइरहेको भन्दै श्रेष्ठलाई यसबारे स्पष्टीकरण सोधिएको जानकारी दिनुभयो ।
प्रमुख सचेतक परियारले यो घटनाबाट संसद्को गरिमामा परेको आँचप्रति क्षमा माग्दै विगतमा भएका यस्ता घटनाहरु पनि छानबिनको दायरामा आउनुपर्ने बताउनुभयो ।
