काठमाडोँ । काठमाडौँ महानगरपालिकाले सिंहदरबारको फोहोर उठाउन छोडेको छ ।
महानगरपालिकाको काममा सिंहदरबारबाट असहयोग भएको भन्दै मेयर बालेन शाहले सामाजिक सञ्जाल मार्फत शनिबार सिंहदरबारको फोहोर नउठ्ने घोषणा गरेका थिए ।
सोही घोषणाअनुसार आइतबार सिंहदरबारको फोहोर महानगरले नउठाएको हो । फोहोर मैला व्यवस्थापन संघका महासचिव मित्रप्रसाद घिमिरेका अनुसार काठमाडौंका मेयर बालेनले फोन गरेर सिंहदरबारको फोहोर नउठाउन निर्देशन दिएपछि फोहोर नउठाइएको हो ।
सिंहदरबारबाट कुहिने र नकुहिने गरी दैनिक ५ टन फोहोर उठ्ने गरेको बताइन्छ ।
