एजेन्सी । किलर ह्वेलहरु अतिसमाजिक जीवका रुपमा चिनिन्छन् । अमेरिकाको वाशिङ्टन राज्य नजिकैको ह्वेलको एक बथानको १० दिनमा १० घण्टाभन्दा धेरै समय भिडिओ खिचेर सो अध्ययन गरिएको हो।
यूकेको एउटा विश्वविद्यालयले गरेको अध्ययनले किलर ह्वेलहरू उमेर र लिङ्गको आधारमा एकअर्कासँग घुलमिल गर्ने तथ्य पत्ता लगाएको छ।
प्रशान्त महासागरमा ड्रोन क्यामराबाट गरिएको अध्ययनमा कम उमेरका र पोथी ह्वेलहरूले अन्य ह्वेलभन्दा धेरै सामाजिक अन्तर्क्रिया गर्ने देखिएको छ।
युनिभर्सिटी अफ एक्सटरका डा माइकल वाइसले भन्नुभयो "हामी ह्वेलका बथान फेला पाछौंँ र छेउबाट तस्बिर खिच्छौँ ।" अधिकांश अध्ययन तस्बिरका आधारमा गरिएको उहाँले बताउनुभयो ।
