काठमाडौँ । नेकपा (एकीकृत समाजवादी) पार्टी उपाध्यक्ष डा. बेदुराम भुसालको नेतृत्वमा सरकारमा जाने भएको छ । अध्यक्ष माधव नेपालले प्रचण्ड सरकारमा राष्ट्रिय सभा सदस्य समेत रहेका डा. भुसालको नेतृत्वमा पठाउन लागेको स्रोतले जनाएको छ ।
नेकपा एसका संस्थापक महासचिव रहेका भुसालले सो पद घनश्याम भुसालको लागि त्यागेका थिए । नेपाल नेतृत्वको सो पार्टीमा उनीसहित १० जना प्रत्यक्ष निर्वाचित सांसद छन् । नेपालबाहेक सबै मन्त्रीका दाबेदार छन् ।
एमालेबाट विभाजन भएर मन्त्री तथा मुख्यमन्त्री बनेकाहरूले पहिलो चरणमा मौका नपाउने मापदण्ड बनाएको एसले भुसालसहित नेताहरु प्रकाश ज्वाला र भानुभक्त जोशीलाई मन्त्री बनाउने तयारी गरेको बुझिएको छ ।
किसान श्रेष्ठ, प्रेम आले, शेरबहादुर कुँवर भने यो चरणमा मन्त्री बन्न पाउनेछैनन् । नेकपा एसले एक प्रदेशमा मुख्यमन्त्रीसहित ३ मन्त्रालयमा दाबीको अडान राखेको छ । तर भागबन्डा मिलाउँदा नेकपा एसले २ मन्त्रालय मात्र पाउने देखिएको छ ।
