रुपन्देही । स्ववियुको चुनावमा भैरहवा बहुमुखी क्याम्पसबाट नेकपा एमाले निकट विद्यार्थी संगठन अनेरास्ववियुले जितेको छ ।
बिहीबार दिउसो सार्वजनिक भएको मतपरिणामअनुसार भैरहवा क्याम्पसमा अनेरास्ववियुको सिङ्गो प्यानल नै विजयी भएको हो ।
स्ववियु अध्यक्षमा अनेरास्ववियुका सागर न्यौपाने निर्वाचित भएका छन् । उनी प्रतिद्वन्दिको भन्दा १५३ मत बढी मत ल्याएर निर्वाचित भएका हुन् ।
त्यसैगरी सचिवमा शनि कलवार, कोषाध्यक्षमा मनोज पन्थ, सदस्यहरुमा आशिष पन्थ, स्वेताकुमारी हरिजन, राजन गुप्ता, शैलेष यादव, मनोजकुमार यादव, प्रेमशंकर यादव, सुमनकुमारी शुक्ला र मोहित चौधरी निर्वाचित भएका छन् ।
