एजेन्सी । मार्च १९ मा बलिउड अभिनेता सलमान खानलाई लरेन्स बिश्नोई गिरोहबाट इमेलमार्फत ज्यान मार्ने धम्की आएको थियो । त्यसयता उनको घर ग्यालेक्सी अपार्टमेन्टको सुरक्षा बढाउँदै अस्थायी प्रहरी चौकी बनाइएको छ । यसमा दुई जना सहायक प्रहरी निरीक्षक (एपीआई) र ८–१० हवल्दार २४ घण्टा खटिनेछन् ।
अहिले सलमानका एक नजिकका साथीले सलमानले यी सबै धम्कीप्रति सामान्य प्रतिक्रिया दिइरहेको खुलासा गरेका छन् । उनको सामान्य प्रतिक्रियाको कारण उनी आफ्नो परिवारका सदस्यहरू रिसाएको चाहँदैनन् भन्ने आंकलन गरिएको छ । यो धम्कीबाट पूरै परिवार डराएका छन् ।
सलमानका नजिकका साथीले ईटाइम्सलाई दिएको अन्तर्वार्तामा भने कि उनका बुबा सलीम धेरै शान्त छन्, तर उनको परिवारलाई थाहा छ कि उनी आजकल राती राम्ररी सुत्न सक्दैनन् ।
साथीले यो पनि भनेका छन् कि सलमान धम्कीपछि कडा सुरक्षा व्यवस्थाको विरुद्धमा छन् । जे हुनु पर्ने हो, भइहाल्छ भन्ने सलमानको बिचार छ । तर, पारिवारिक दबाबका कारण उनले फिल्म ‘किसी का भाइ किसकी जान’ को पोस्ट प्रोडक्सन बाहेकका सबै योजना रद्द गरेका छन् । छायांकन र प्रवर्द्धन पनि रोकिएको छ ।
