![](https://newspolar.com/wp-content/uploads/2023/03/dev-gurung-3.jpg)
काठमाडौं ।नेकपा माओवादीले फरक समुदायको महिला उपराष्ट्रपतिको उम्मेदवार बनाउनु पर्ने जनाएको छ ।
माओबादी अध्यक्ष पुष्पकमल दाहाल बिरुद्ध अदालतमा दायर भएको रिट पछि उत्पन्न परिस्थिती बारे छलफल गर्न बालुवाटारमा जम्मा भएका माओवादी धारका पाटीहरुको बैठक पछि महासचिब देब गुरुङले फरक समुदायको महिला उपराष्ट्रपतिको उम्मेदवार बनाउन उपयुक्त हुने बताउनु भयो । बैठकपछि सञ्चारकर्मीहरुसँग कुरा गर्दै महासचिव गुरुङले उपराष्ट्रपतिमा लैंगिक रुपले फरक र सामुदायिक फरक हुनुपर्ने आफ्नो पार्टीको धारणा रहेको बताउनु भयो ।
उहाँले नेपालको अहिलेको अवस्था स्थितिअनुसार फरक समुदायको महिला नै भए राम्रो हुने बताउनु भयो । उहाँले आफ्नो पार्टीले फरक समुदायको महिलालाई उपराष्ट्रपतिको उम्मेदवार बनाउन गठबन्धनका घटकहरुले पहल गर्नुपर्ने अभिव्यक्ति रहेको बताउनु भयो ।
उहाँले भन्नुभयो, ‘उपराष्ट्रपतिमा जसले सिफारिस गरेको भएपनि संविधानत: राष्ट्रपति र उपराष्ट्रपतिको बीचमा लैंगिक रुपले फरक र सामुदायिक फरक भन्ने छ । अभ्यास हामीले के बसाल्ने प्रक्रियाको शुरु गरियो भने एउटा पुरुष भए अर्को महिला हुनुपर्छ भन्ने मान्यता बसिसकेको छ । नेपालको अहिलेको अवस्था स्थिति सबैतिरबाट हेर्दा फरक समुदायको महिला नै भए बेस हुन्थ्यो । हामीले परामर्श दिनुपर्दा लैंगिक रुपले फरक हुनुपर्छ । महिला दिँदा राम्रो हुन्छ ।’
महासचिव गुरुङले उपराष्ट्रपतिको निर्वाचन सकिएसँगै निर्वाचन आचारसंहीता सकिने भएकाले ५ गतेपछि मात्रै सरकार बिस्तार हुने बताउनु भयो ।