कैलाली । सुदूरपश्चिम प्रदेको मुख्यमन्त्री तथा मन्त्रीपरिषद् कार्यालय बाहिर उद्योगी व्यापारीहरूले धर्ना दिएका छन् । बैंकहरूले दिइरहेको चर्को ब्याजदर घटाउन माग गर्दै उनीहरुले धर्ना दिएका हुन् ।
केही दिनदेखि गरिरहेको आन्दोलनका बिषयमा प्रदेश सरकारले चासो नदिएको भन्दै उनीहरुले सबै व्यापार बन्द गरेर आन्दोलनमा उत्रिएका थिए । व्यापारीहरूले आज बिहान १० देखि ११ बजे सम्म मुख्यमन्त्री कार्यालय अगाडी धर्ना बसेका थिए ।
उद्योगी व्यवसायीहरूले आज बिहान ९ बजे धनगढी चौराहाबाट निकालेको र्याली मुख्यमन्त्री कार्यालयमा पुगेर कोष सभा गरेका थिए । उनीहरुले तत्काल ब्याजदर घटाउन माग गरेका छन् ।
कैलाली उद्योग वाणिज्य सङ्घले भोलिबाट आन्दोलन थप सशक्त पारिने जनाएको छ ।
