काठमाडौं । काठमाडौं महानगरपालिकाका मेयर बालेन शाहले ‘ए’ डिभिजन लिगको उद्घाटन गर्ने भएका छन् ।
शुक्रबारबाट सुरु हुन लागेको ‘ए’ डिभिजन लिगको प्रमुख अतिथीको रुपमा बालेनले प्रतियोगिताको उद्घाटन गर्ने भएका हुन् ।
लिगको मार्केटिङ कम्पनी एमडीएसी स्पोर्टसको अनुसार उद्घाटन सत्रलाई भब्य बनाउन सेलिब्रेटी, राजनीतिकर्मी र विभिन्न क्षेत्रका चर्चित अनुहारलाई अतिथीको रुपमा बोलाईएको छ ।
आज हुने उद्घाटनमा विद्यार्थीलाई प्रवेश निशुल्क गरिएको छ । विद्यार्थीले परिचय पत्र देखाएर नवप्रवेशी खुमलटार र फ्रेन्ड्स क्लबबिचको उद्घाटन खेल निशुल्क हेर्न सक्ने एमडीएसी स्पोर्टले जनाएको छ ।
