काठमाडौं । आईसीसी यू–१९ विश्वकप एसिया छनोट अन्तर्गत यूएईविरुद्धको खेलमा नेपालका कप्तान देव खनालले अर्धशतक पूरा गरेका छन् ।
कप्तान देवले ७५ बलमा आफ्नो अर्धशतक पूरा गरेका हुन् । टस जितेर पहिले ब्याटिङ गरिरहेको नेपालले २६ ओभरको समाप्तीमा ४ विकेट गुमाएर १ सय १२ रन बनाएको छ ।
नेपालका ओपनर दीपक बोहोरालाई ईनिङको पहिलो बलमा नै हरिस शेठ्ठीले बोल्ड आउट गरे । अर्का ओपनर अर्जुन कुमाल चौथो ओभरको पाँचौं बलमा तीन रन बनाएर स्पिनर हर्षशितको बलमा क्याच आउट भए । ब्याट्सम्यान आकाश त्रिपाठी पनि हरिस शेठ्ठीको बलमा आउट भए ।
अहिले क्रिजमा कप्तान देव खनाल र उत्तम थापा रहेका छन् ।
नेपाल र युएई दुवै सुरुवाती चार खेल देखि नै अपराजित रहदै आएको छ । दुवैको समान ८ अंक भएपनि युएईको नेटरनरेट बढि भएकोले शीर्ष स्थानमा छ । नेपालले आजको खेलमा युएईलाई हराए २०२४ मा श्रीलंकामा हुने यू–१९ विश्वकप खेल्नेछ ।
