काठमाडौं । एमसीसीको विरोधमा सडकमा उत्रेका प्रदर्शनकारीहरुले प्रहरीमाथी ढुङ्गामुढा प्रहर गरेका छन् भने प्रहरीले पनि अश्रुग्यास प्रहार गरेका छन् । नेकपा माओवादीका भ्रातृ सङ्गठनहरुले नयाँ बानेश्वरको सडकमा एमसीसीविरुद्ध प्रदर्शन आयोजना गर्दा सो क्षेत्र तनावग्रस्त भएको छ ।
प्रदर्शनकारीहरुले प्रहरीमाथी ढुङ्गामुढा प्रहर गर्दा प्रहरी भ्यान समेत तोडफोड भएको छ । प्रदर्शनकारीले नाराबाजी गर्दै ढुङ्गा प्रहार गरेपछि प्रहरीसँग मुठभेड भएको हो । प्रदर्शन जारी छ ।
उता प्रधानमन्त्री शेर बहादुर देउवा र माओबादी केन्द्रका अध्यक्ष पुष्पकमल दहाल प्रचण्ड बिचको छलफल सकिएको छ र एमसीसी लगायतका विषयमा छलफल गर्न भोली ३ बजे गठबन्धनका शिर्ष नेताहरुको बैठक बस्ने तय भएको दाहालको सचिवालयले जनाएको छ । त्यस्तै आज बसेको संसद बैठकमा एमसीसी टेबल भएन ।
