काठमाडौं । राष्ट्रिय क्रिकेट टोलीका स्पिनर सन्दीप लामिछानेको मुद्दामा आज सर्वोच्चमा सुनुवाइ हुँदैछ ।
सन्दीपलाई पुर्पक्षको लागि धरौटीमा छोड्ने उच्च अदालतको आदेश बदर गर्न माग गर्दै महान्यायाधिवक्ताको कार्यालयले सर्वोच्चमा निवेदन दिएको थियो । उक्त मुद्दा न्यायाधीश ईश्वर खतिवडाको एकल इजलासमा १६ नम्बरमा पेसी चढेको छ ।
सन्दीपले हिजो विदेश भ्रमणको प्रतिवन्ध फुकुवाको मागसहित सर्वोच्च अदालतमा निवेदन दिएका छन् । उक्त निवेदन पनि सँगै राखेर सुनुवाइ हुनुपर्ने सन्दीपका वकिलको माग छ ।
उच्च अदालतले विदेश जान रोक लगाएका कारण सन्दीप यूएई जाने टीममा परेका छैनन् । यदि सुनवाइमा सर्वोच्चले उक्त रोक फुकुवा गरिदियो भने सन्दीप यूएई जान पाउछन्।
नेपालले आईसीसी विश्वकप लिग–२ अन्तर्गत फागुन १५ गतेदेखि २२ गतेसम्म यूएई र पपुवा न्युगिनीसँग शृङ्खला खेल्दैछ ।
