एजेन्सी । च्याम्पिन्स लिग फुटबल अन्तर्गत इंग्लिस क्लब म्यान्चेस्टर सिटीले बराबरी खेलेको छ । बुधबार राति भएको पहिलो लेगमा सिटीले जर्मन क्लब आरबी लाइप्जिगसँग उसको मैदानमा १–१ गोलको बराबरी खेलेको हो ।
खेलको २७ औं मिनेटमा रियाद माहरेजले गोल गर्दै सिटीलाई सुरुवाती अग्रता दिलाएका थिए । तर, ७० औं मिनेटमा जोस्को जिमार्डिओलले गोल गर्दै घरेलु टोली लाइप्जिगलाई हारबाट जोगाए ।
अब यी दुई टोलीबीच दोस्रो लेग मार्च १५ मा सिटीको घरेलु मैदानमा हुनेछ ।
