काठमाडौं । भारतले एसीसी एसिया कप क्रिकेट–२०२३ पाकिस्तानमा आयोजना भएमा सहभागिता नजनाउने बताएको छ । यसअघि नै आईसीसीले भने एसिया कप– २०२३ को आयोजनाको जिम्मा पाकिस्तानलाई दिईसकेको छ ।
एसीसीका अध्यक्ष समेत रहेका बीसीसीआईका सचिव जय शाहले भारतीय टोलीले पाकिस्तान भ्रमण गर्न नसक्ने स्पष्ट पारेका छन् । शाहले एसिया कप २०२३ पाकिस्तानमा नभई तटस्थ स्थानमा आयोजना हुनुपर्ने बताउदै आएका छन् ।
यता, भारतले आफ्नो भूमिमा एसिया कप नखेलेमा पाकिस्तानले पनि भारतमा हुने विश्वकप बहिस्कार गर्ने बताउदै आएको छ । पाकिस्तान क्रिकेट बोर्डका प्रमुख नजम सेठीले यदि भारतले पाकिस्तानमा खेल्दैन भने पाकिस्तानले २०२३ को विश्वकपमा भारतमा नखेल्ने बताएका छन् ।
एसियन क्रिकेट काउन्सिल (एसीसी) को शनिबार बसेको बैठकले एसिया कपको अन्तिम निर्णय मार्चमा हुने आईसीसीको बैठकबाट टुंगो निर्णय गरेको छ ।
