काठमाडौँ । नयाँ बानेश्वरस्थित संसद भवनबाहिर आत्मदाहको प्रयास गरेका इलामका प्रेम प्रसाद आचार्यको हाल आईसीयूमा राखेर उपचार जारी छ ।
कीर्तिपुरस्थित वर्न सेन्टरमा उपचाररत आचार्य बोल्न सक्ने अवस्थामा रहेको बताइएको छ । आचार्यले आफू केही गर्न नसक्ने र देशमा भ्रष्टाचार व्याप्त रहेकाले आफूले आत्मदाहको प्रयास गरेको बताएका छन् ।
आज मंगलबार दिउँसो ३ बजेतिर उनले आफ्नो शरीरमा ज्वलनशील पदार्थ खन्याएर आगो लगाएका थिए । प्रहरीले उनलाई उद्दार गरी अस्पताल पुर्याएको थियो ।
यो पनि पढ्नुस्ः आत्मदाहको प्रयास अघि सामाजिक सञ्जालमा के लेखेका थिए प्रेम आचार्यले ?
