काठमाडौं । नेपाली कांग्रेसको पदाधिकारी बैठकले राष्ट्रपतिको निर्वाचन समयमै गर्नुपर्ने निष्कर्ष निकालेको छ ।
आज बसेको बैठकले कानुनी अड्चनलाई हटाएर समयमै निर्वाचन गर्न सरकारको ध्यानाकषर्ण गराएको कांग्रेसका प्रवक्ता डा। प्रकाशरण महतले बताएका छन् ।
प्रवक्ता महतले राष्ट्रपति निर्वाचन आलटाल गरेर पछाडि धकेल्न नहुने र यस बिषयमा कांग्रेसले संसदमा रहेका अन्य दलहरुसँग छलफल गर्ने बताए । उनले माघ २९ गतेभित्रै राष्ट्रपतिको चुनाव गर्नुपर्ने बताए ।
‘ऐनमा एक महिना अगाडि भन्ने व्यवस्था छ, ५ वर्षको अवधि पनि भनिएको छ । त्यहाँ भएको कन्ट्राडिक्सनलाई टुंग्याएर समयमै निर्वाचन गर्ने काम सरकार र निर्वाचन आयोगको छ । माघ २९ गतेभन्दा पनि उता लान खोजेको चर्चा सुनेका छौं । त्यसलाई हामी कुनै हालमा पनि स्वीकार्दैनौं । ’, उनले भने ।
