काठमाडौँ । इंग्लिस प्रिमियर लिग फुटबलमा आज ३ खेलहरु हुँदैछन् । पहिलो खेलमा लण्डनका दुई क्लब टोटेनहम र आर्सनलबीच प्रतिस्पर्धा हुँदैछ । यस्तै, सोही समयमा बर्नमाउथ र ब्राइटन पनि भिड्दैछन् । आजै राति म्यान्चेस्टर सिटी र नटिङहम फरेस्टबीच पनि प्रतिस्पर्धा हुँदैछ ।
उपाधि होडमा रहेका आर्सनल र म्यान्चेस्टर सिटी दुबैलाई खेल जित्नुपर्ने दबाब छ । आर्सनल ३४ खेलमा ७७ अंकका साथ शीर्षस्थानमा रहेको छ । एक खेल कम खेलेको ७६ अंकका साथ दोस्रो स्थानमा छ ।
शनिबार लिभरपुलले वेस्टहाम युनाइटेडसँग बराबरी खेलेको थियो । जसबाट उसलाई उपाधि होडमा धक्का लागेको छ । ३५ खेल खेलेको लिभरपुल ७५ अंकका साथ तेस्रो स्थानमा छ ।
अब लिभरपुलले ३ खेलमात्र खेल्न बाँकी छ । आर्सनलले आजको खेलपछि बर्नमाउथ, म्यान्चेस्टर युनाइटेड र अन्तिममा एभर्टनसँग प्रतिस्पर्धा गर्नेछ । यस्तै, म्यान्चेस्टर सिटीले आजको खेलपछि वल्भ्स, फुलहम, टोटेनहम र अन्तिममा वेस्टहाम युनाइटेडसँग प्रतिस्पर्धा गर्नेछ ।
लिभरपुलका अबका बाँकी तिन खेल टोटेनहम, एस्टन भिल्ला र वल्भ्ससँग रहेका छन् । अबका बाँकी खेलमा हार ब्यहोर्ने टोलीलाई लिग जित्न कठिन हुनेछ । तसर्थ जित्नैपर्ने दबाबका साथ यी टोलीहरु उत्रिँदा उपाधि होड थप रोमाञ्चक बनेको छ ।
आजका खेलहरुः
टोटेनहम भर्सेस आर्सनल – साँझ ६ः४५ बजे
बर्नमाउथ भर्सेस ब्राइटन – साँझ ६ः४५ बजे
नटिङहम फरेस्ट भर्सेस म्यान्चेस्टर सिटी – राति ९ः१५ बजे
