काठमाडौँ । लुम्बिनी प्रदेश सभाको उपसभामुखमा राप्रपाकी मेनुका खाण केसी निर्विरोध भएकी छन् ।
उपसभामुखमा उम्मेदवारी दर्ता गर्दा कांग्रेस र नागरिक उन्मुक्तिबाट पनि उम्मेदवारी परेको थियो । तर आज सबै जनाले फिर्ता लिएपछि उपसभामुखमा राप्रपाकी केसी निर्विरोध निर्वाचित भएकी हुन् ।
कांग्रेका विश्वप्रेम पाठक र नागरिक उन्मुक्तिकी निर्मलादेवी थारुले उपसभामुख पदमा दिएको उम्मेदवारी फिर्ता लिएका हुन् ।
आज दिउँसो बसेको प्रदेश सभाको बैठकमा ज्येष्ठ सदस्य डिल्लिराज भुसालले सभामुख र उपसभामुखमा एकएक जनाको उम्मेदवारी कायम भएपछि निर्विरोध निर्वाचित भएको घोषणा गरे । नेपाली कांग्रेसले गठबन्धनभित्रै अन्तरविरोध बनाएर जित्ने दाउमा उपसभामुखमा मात्रै उम्मेदारी दिएको थियो ।
यसअघि सोमबार मनोनयनको अन्तिम समयसम्म सभामुखमा माओवादीका तुलाराम घर्तीको मात्रै उम्मेदवारी परेपछि उनी निर्विरोध भएका थिए ।
