काठमाडौँ । उपप्रधान एवम् अर्थमन्त्री विष्णु पौडेलसँग नेपालका लागि अमेरिकी राजदूत डीन आर थम्पसनले शुक्रबार शिष्टाचार भेटवार्ता गर्नुभएको छ ।
भेटमा उहाँहरुबीच दुई मुलुकबीचको द्विपक्षीय सम्बन्धलाई अझ प्रगाढ बनाउने विषयमा विचारविमर्श हुनुका साथै नेपाल र अमेरिकाबीचको ७५ वर्ष लामो मित्रताबारे कुराकानी भएको थियो ।
सो अवसरमा राजदूत थम्पसनले नेपालको उपप्रधान एवम् अर्थमन्त्री बन्नुभएकामा पौडेल लाई बधाई दिँदै सफल कार्यकालको शुभकामना दिनुभएको थियो ।
