काठमाडौं । डा. हेमन्त खतिवडाको आध्यात्मिक गीतहरुको भजन संग्रह पुस्तक प्रकाशित भएको छ । १०६ वटा भजनहरुसहित ११५ पृष्ठ मा तयार भएको भजन संग्रह पुस्तकमा गणेश, राम, शिव, दुर्गा, हनुमान, सरस्वती, विष्णु कृष्ण, लक्ष्मी लगाएतका भजन छन् ।
साथै अन्य बाँकी भजनहरु जीवन, मृत्यु को विषयमा लेखेको डा. खतिवडाले बताएका छन् । भजन संग्रह पुस्तकमा पचास वटा भजन आशा भोश्ले, साधना सरगम, कैलाश खेर, पंडित जसराज कुमार सानु लगायत गायक गायिकाहरुले गाएका छन् ।
क्लासिकल र सेमि क्लासिकलमा गाइएका कतिपय भजन रहेपनि प्रचलित परम्परा भन्दा फरक किसिमले यसमा लेखिएको, निराशावादी नभइकन अधिकांश भजनहरु आशा र उत्साह जगाउने किसिमका, साथै मृत्यु लाई पनि उत्सवको रुपमा चित्रण गरेर लेखिएका भजनहरु उक्त भजन संग्रह पुस्तकमा समावेश भएको डा. खतिवडाले बताएका छन् । डा. खतिवडाका अनुसार यसमा मानिसहरु लाई उत्प्रेणा र प्रेरित गर्ने खालका जीवन दर्शनका विषयहरु पनि समेटिएका छन् ।
गीतकार स्वयम् प्रकाशक रहेको सो भजन संग्रहको मूल्य भने मात्र रु २०० रहेको छ । आकर्षक छपाइ र राम्रो कागजमा सजिएको भजन संग्रह, आध्यात्मिक भजन संग्रहमा गीतकारको पहिलो भजन संग्रह हो ।
