काठमाडौँ । नेकपा (एमाले) का केन्द्रीय सदस्य गोकुल बाँस्कोटाले नेकपा (एकीकृत समाजवादी) का पार्टी सदस्य एमालेमा आउन मन भए सदस्यता नवीकरण गरे पुग्ने बताउनुभएको छ ।
उहाँले एक ट्विट गर्दै एमालेमा आउन चाहनेले खुरुखुरु सदस्यता नवीकरण गरे अहिलेको परिप्रेक्ष्यमा पार्टी एकताको सजिलो विधि त्यही नै हुने बताउनुभएको छ ।
सत्ता गठबन्धनमा सहभागिता र एमालेसँग एकताका विषयमा एकीकृत समाजवादीको स्थायी कमिटी र पोलिटब्यूरो बैठकले कुनै निष्कर्ष निकाल्न नसकेपछि नेता बाँस्कोटाले यस्ता विषयमा एकीकृत समाजवादीका पार्टी सदस्यले लम्बेचौडे कुरै गर्नु नपर्ने बताउनुभयो ।
उहाँले ट्विट गर्दै भन्नुभएको छ, “समाजवादीका पार्टी सदस्यले लम्बेचौंडे कुरै गर्नु पर्दैन ।जस्लाई एमालेमा रहन मन छ उस्ले खुरुखुरु सदस्यता नविकरण गरे भैहाल्छ।अहिलेको परिप्रेक्क्षमा त्यै हो पार्टी एकताको सजिलो बिधी।राम कुमारी झांक्रीले पनि तानेरै ल्याउन चै नखोज्नु नि१ब्यर्थै कारवाहीमा परिएला है।”
समाजवादीका पार्टी सदस्यले लम्बेचौंडे कुरै गर्नु पर्दैन ।जस्लाई एमालेमा रहन मन छ उस्ले खुरुखुरु सदस्यता नविकरण गरे भैहाल्छ।अहिलेको परिप्रेक्क्षमा त्यै हो पार्टी एकताको सजिलो बिधी।राम कुमारी झांक्रीले पनि तानेरै ल्याउन चै नखोज्नु नि!ब्यर्थै कारवाहीमा परिएला है।
— Gokul Prasad Baskota (@GokulPBaskota) January 4, 2023
