काठमाडौँ । मुक्त टुँडिखेलको माग राख्दै स्थानीयवासीले सोमबार काठमाडौँ महानगरपालिका कार्यालय अगाडि प्रदर्शन गरेका छन् ।
टुँडिखेललाई पुरानै अवस्थामा फर्काउनुपर्ने स्थानीयवासीको माग छ । नागरिकस्तरबाट सम्पदाप्रेमीहरुले ‘अकुपाई टुँडिखेल’ अभियानसमेत चलाउँदै आएका छन् । उक्त अभियानअन्तर्गत सोमबार बिहान महानगरपालिका कार्यालयअगाडि मानव सांग्लो बनाएर प्रदर्शन गरिएको हो ।
यसअघि पनि टुँडिखेललाई पूर्ववत् अवस्थामा फर्काउन तीन महिनासम्म ‘अकुपाई टुँडिखेल’ अभियान सञ्चालन गरिएको थियो । अभियन्ताहरुका अनुसार आज विश्व स्वतन्त्रता दिवसको अवसर पारेर अभियानमा ऐक्यबद्धता जनाउन प्रदर्शन गरिएको हो ।
