काठमाडौं। नेकपा एमालेका उपमहासचिव प्रदीप ज्ञवालीले नेकपा (एकिकृत समाजवादी) संगको एकताको कुरा अनुमान,अतिरञ्जना र हल्ला मात्र मात्र भएको जनाउनु भएको छ ।
उपमहासचिव ज्ञवालीले सामाजिक संञ्जालमा नेकपा एसको नाम उल्लेख नगरी सोही आशयको सन्देश पोष्ट गर्नुभएको छ ।
उहाँले लेख्नुभएको छ-
अहिले चलिरहेको छलफल सरकारको समर्थनको दायरा विस्तार गर्नमा सीमित छ । त्यसभन्दा बाहिर चलेका चर्चा अनुमान,अतिरञ्जना र हल्ला मात्र हुन् ।
पार्टीभित्र र बाहिरबाट सिर्जित भयानक घेराबन्दी तोडेर आन्दोलन यहाँसम्म आइपुगेको हो । सङ्कटका बेला सतिसाल झैं उभिएका कमरेडहरूको भावना विपरीत कुनै निर्णय हुनेछैन । इतिहासका केही घटना यस्ता हुन्छन्, जसलाई बिर्सन सकिँदैन, बिर्सन हुँदैन ।
