धादिङ । पृथ्वीराजमार्ग अन्तर्गत धादिङको गजुरीमा बस र माइक्रोबस ठोकिदा एक जनाको मृत्यु भएको छ भने १२ जना घाइते भएका छन् ।
गजुरी गाउँपालिका २ बिहानी पम्प नजिकै बेलहियाबाट काठमाडौंतर्फ आउदै गरेको लु २ ख २६४४ नम्बरको बस र लमजुङतर्फ जादै गरेको बा २ख ४७६२ नम्बरको माइक्रोबस एक आपसमा ठोक्किदा माइक्रोबसमा सवार महिलाको मृत्यु भएको जिल्ला प्रहरी कार्यालय धादिङका प्रहरी नायव उपरीक्षक श्याम बहादुर खत्रीले जानकारी दिए ।
दुर्घटनामा परी घाइते भएकाहरुको गजुरीमा रहेको स्वास्थ्य संस्थामा उपचार भैरहेको उपरीक्षक खत्रीले बताए । घाइते मध्य ७ पुरुष र ६ जना महिला छन् ।
