काठमाडौं । कतारमा जारी फिफा विश्वकप फुटबलको क्वाटरफाइनल समीकरण पूरा भएको छ ।
मंगलबार राति पोर्चुगल र स्विट्जरल्यान्डबीचको अन्तिम प्रि–क्वाटरफाइनल खेल सम्पन्न भएसँगै अन्तिम आठमा पुग्ने टोलीको टुंगो लागेको हो ।
कतार विश्वकपमा साविक विजेता फ्रान्स, साविक उपविजेता क्रोएसिया, नेदरल्यान्ड्स, ब्राजिल, अर्जेन्टिना, इंग्ल्यान्ड, मोरक्को र पोर्चुगलले अन्तिम आठमा स्थान बनाएका छन् ।
अब पहिलो क्वाटरफाइनलमा ब्राजिल र क्रोएसियाबीचको खेल शुक्रबार राति ८ः४५ बजे हुनेछ ।
दोस्रो क्वाटरफाइनल सोही दिन राति ००ः४५ बजे अर्जेन्टिना र नेदरल्यान्ड्सबीच प्रतिस्पर्धा हुनेछ ।
यस्तै, तेस्रो क्वाटरफाइनलमा मोरक्को र पोर्चुगलबीच शनिबार ८ः४५ बजे प्रतिस्पर्धा हुनेछ भने अन्तिम क्वाटरफाइनल खेल फ्रान्स र इंग्ल्यान्डबीच सोही दिन राति १२ः४५ बजे हुनेछ ।
