हेटौँडा । मकवानपुरमा नेपाली कांग्रेस वागमती प्रदेश सभापति एवं नवनिर्वाचित सांसद इन्द्रबहादुर बानियाँविरुद्ध समाचार लेखेको भन्दै कांग्रेसका कार्यकर्ताहरुले दुईजना पत्रकारमाथि कुटपिट गरेका छन् ।
हेटौँडा उपमहानगरपालिका( २ स्थित पल्पसा होटलमा आइतबार राति कांग्रेसका करिब एक दर्जन कार्यकर्ताले वागमती एक्सप्रेस साप्ताहिक पत्रिकाको प्रकाशक रमेश बञ्जरा (इन्द्र) तथा पत्रकार रामकुमार रिजाल (एलन) माथि कुटपिट गरेका हुन् ।
कुटपिटमा पत्रकार बञ्जरा र एलन घाइते भएका छन् । घाइते दुई पत्रकारले ज्यान मार्ने उद्योगमा उनिहरुबिरुद्ध किटानी जाहेरी दर्ता गर्न लागेका छन् ।
यसैबीच नेकपा एसनिकट समाजवादी प्रेस संगठनले एक विज्ञप्ति जारी गर्दै एलनमाथि कुटपिट गर्ने र योजनाकारको पहिचान गरी कारबाहीको माग गरेको छ । समाजवादी प्रेस संगठनले उपमहासचिव राजकुमार एलनलाई राजेश भेटुवालसहितको २०र२२ जनाको जत्थाले कुटपिट गरेको र पत्रकार महासंघ वागमतीका महासचिव कृष्ण सारु मगरमाथि पनि कुटपिट गरिएको भन्दै कारबाहीको माग गरेको छ ।
मकवानपुर कांग्रेसले आइतबार मात्रै पत्रकार सम्मेलन गरी वागमती एक्सप्रेसमा प्रकाशित समाचार झूट रहेको र त्यस्तो समाचार प्रकाशन नगर्न चेतावनी दिएको थियो ।
