हेटौँडा । रवि लामिछाने नेतृत्वको राष्ट्रिय स्वतन्त्र पार्टी मकवानपुर जिल्ला सभापति राजकुमार न्यौपानेमाथि कारबाहीको माग गर्दै ४७ जनाले उजुरी दिएका छन् ।
चुनावमा कांग्रेसका नेतासँग सेटिङ गरेर आफ्नै पार्टीको उम्मेदवारलाई हराएको भन्दै न्यौपानेबिरुद्ध पार्टिका ४७ जना नेता/कार्यकर्ताले उजुरी दिएका हुन् ।
स्वतन्त्र पार्टीका वागमती कोषाध्यक्ष तथा मकवानपुर-१ का उम्मेदवारसमेत रहेका टाकाराज थापा ‘सुरेशसहित ४७ जना नेता/कार्यकर्ताले हस्ताक्षर गरेर मंसिर १२ गते नै केन्द्रीय कमिटीमा इमेलमार्फत पत्र पठाएको छ ।
सभापति न्यौपानेले रास्वपाका समानुपातिक उम्मेदवार नुरमान प्रजालाई लिएर नेपाली कांग्रेसका उम्मेदवार इन्द्रबहादुर बानियाँको घरमा गएर विभिन्न प्रलोभनमा पारेको उक्त उजुरी पत्रमा उल्लेख गरेको छ । सभापति न्यौपानेलाई कारबाही नगरे सबै सदस्यहरूले पार्टी छाड्ने पत्रमा उल्लेख गरेको छ ।
