धनगढी । बाजुरामा मुचुल्काको भन्दा बढी मतपत्र भेटिएपछि मतगणना रोकिएको छ । हिमाली गाउँपालिकाका चार वटा मतदान केन्द्रका मतगणना भइरहदा मुचुल्कामा भन्दा ४० बढी मतपत्र पाइएपछि गणना रोकिएको हो ।
मुचुल्कामा दुई हजार ३१२ मतपत्र हुनुपर्नेमा दुई हजार ३४२ मतपत्र भेटिएपछि गणना रोकेको मुख्य निर्वाचन अधिकृत ढाकाराम पौडेलले बताए ।उनले उम्मेदवार र राजनीतिक दलका प्रतिनिधिहरुबीच छलफलपछि पुनः गणना सुचारु गर्ने जानकारी दिए ।
यहाँ प्रतिनिधिसभातर्फको सात हजार ५१० मत गणना भईसकेको छ । उक्त मतपरिणामअनुसार नेपाली कांग्रेसका उम्मेदवार बद्री पाण्डेले ४ हजार २१४ मतसहित अग्रता लिइरहेका छन् । नेकपा एमालेका कर्णबहादुर थापाले ३ हजार ६६ मत पाएका छन्।
