हेटौंडा । मकवानपुरको बकैया गाउँपालिका वडा नंबर ३ हात्तीसुडे बजार क्षेत्रमा मोटरसाइकल दुर्घटना हुँदा एकजनाको मृत्यु भएको छ ।
मृत्यु हुनेमा बकैया–५ श्रीपुर बस्ने २८ वर्षीय मोटरसाइकल चालक श्याम लामा रहेको प्रहरीले जनाएको छ ।
जिल्ला प्रहरी कार्यालयको अनुसार गएराति हात्तीसुँडेबाट श्रीपुरतर्फ आउँदै गरेको प्रदेश २–०३–०१८प २५५७ नम्बरको मोटरसाइकल आफै अनियन्त्रित भएर सडकको नालीमा खस्दा दुर्घटना भएको थियो ।
दुर्घटनामा परेर गम्भीर घाइते भएका लामालाई उपचारको लागि हेटौंडाको चुरेहिल अस्पताल पुर्याउदा डाक्टरले मृत घोषणा गरेको प्रहरीले जनाएको छ ।
