काठमाडौँ । प्रतिनिधिसभा सदस्य निर्वाचनमा रुपन्देही–३ मा राष्ट्रिय प्रजातन्त्र पार्टी (राप्रपा) का दीपक बोहराले अग्रता बनाउनुभएको छ । उहाँले नेपाली कांग्रेसका बालकृष्ण खाणसँग ४७३ मतले अग्रता बनाउनुभएको छ ।
प्राप्त पछिल्लो मतगणनाअनुसार बोहराले २७ हजार ६३१ मत पाउनुभएको छ । सत्ता गठबन्धनका तर्फबाट उम्मेदवार बनेका गृहमन्त्री खाणले २७ हजार १५८ मत प्राप्त गर्नुभएको छ । अब करिब १८ हजार मत गन्न बाँकी रहेको बताइएको छ ।
अन्य उम्मेदवारमा राष्ट्रिय स्वतन्त्र पार्टीका जितबहादुर तेलीले चार हजार ८८६ र नागरिक उन्मुक्ति पार्टीका तुल्सीप्रसाद थारु तीन हजार २६९ मत पाउनुभएको छ । त्यस्तै हाम्रो नेपाली पार्टीका प्रअयात बन्जाडेलाई एक हजार २११ मत आएको छ ।
