काठमाडौं । प्रधानमन्त्री बालेन्द्र शाह (बालेन) प्रतिनिधि सभाको बैठकमा उपस्थित भएका छन्।
मंगलबार बिहान ११ बजेबाट सुरु भएको प्रतिनिधि सभाको बैठकमा प्रधानमन्त्री शाह दिउँसो करिब पौने २ बजे उपस्थित भएका हुन्।
प्रधानमन्त्री शाहको संसद् उपस्थितिलाई लिएर सांसदहरूको चासो बढिरहेका बेला उनी बैठक चलिरहेकै समयमा संसद् भवन पुगेका हुन्।
राप्रपाकी प्रमुख सचेतक खुस्बु ओली बोलिरहेको बेलामा प्रधानमन्त्री शाह र रास्वपा सभापति लामिछाने सदनमा प्रवेश गर्नुभएको थियो । सभामुख र बोलिरहेको सांसदको बीचबाट हिँडेको भन्दै नेकपा एमालेका प्रमुख सचेतक ऐन महरले दुवैजनाले नियम तोडेको भन्दै आपत्ति जनाउनु भएको छ ।
