काठमाडौं । भक्तपुर क्षेत्र नं. २ मा मतगणना रोकिएको छ । आज बिहान साढे २ बजेदेखि मतगणना सुरु भएको भक्तपुर २ मा सदर र बदर मतको विषयमा विवाद हुँदा मतगणना रोकिएको हो ।
आईतबार भएको निर्वाचनमा भक्तपुर–२ मा कुल ९१ हजार ९११ मतदातामध्ये ६५ हजार ७७५ मत खसेको थियो ।
यस क्षेत्रमा मा नेपाली कांग्रेसका दुर्लभ थापा, एमालेका महेश बस्नेत, जनता समाजवादीका दिलबहादुर तामाङ, राप्रपाका मोहन केसी, नेपाल मजदुर किसान पार्टीका अनुराधा थापा मगर रहेका छन् ।
प्रारम्भिक मत गणनामा कांग्रेसका थापाले २ हजार २३० मत ल्याएका छन् । त्यस्तै एमालेका उम्मेदवार महेश बस्नेतले १ हजार ६३२ र राप्रपाका मोहन केसीले १२३ मत पाएका छन् ।
