काठमाडौं । ओलिम्पिक्समा १००-मिटर सबैभन्दा छोटो दूरीको दौड हो। यो प्रायः एकैछिनमा सकिन्छ। तर यो विधामा दौडिनु कति सहज हुन्छ त ? सन् २०१७ को वर्ल्ड च्याम्पीअन्शिपमा रजत पदक जित्ने आइभरी कोस्टकी म्यारी जोसी टा लूका प्रशिक्षक एन्थोनी कोफ्फीले केही तरिका सिकाएका छन्।
सबैजना १०० मिटरको धावक बन्न सक्दैनन् । तपाई गतिवान भएर जन्मिएको हुनुपर्छ अनि मात्र तपाई धावक बन्न सक्नुहुन्छ । १०० मिटरको दौड खेलकुदको एउटा प्रसिद्ध विधा मात्र हो ।
कोफ्फी आइभरी कोस्टका मेरी जोसी टा लू र आर्थर सिस्सेलाई पशिक्षण दिन्छन् । टा लूले दुई पटक विश्व प्रतियोगीतामा रजत पदक जितेकी छन् । १०० मिटरमा चारवटा महत्त्वपूर्ण चरण हुन्छन् भनने तपाईलाई थाहा हुनुपर्छ ।
१) प्रारम्भ: स्टार्टिङ ब्लकबाट धावकले आफ्नो मनस्थितिमा काम गर्नुपर्छ । अनि मन सहज रुपमा भएको सुनिश्चित गर्नुपर्छ । दोहोरयाउने क्रियामा धेरै अभ्यास चाहिन्छ जसबाट प्रतिक्रिया स्मरण गर्न सकिन्छ ।
२) ड्राइभ चरण: यसलाई दौडिन थाल्ने चरण पनि भनिन्छ । फेरी पनि धावकले पहिला नै धेरै दौडिएको हुनुपर्छ । र त्यसका लागि टन्न प्राविधिक पक्ष छन् । अनि त्यसलाई बलियो बनाउँदा सुरुमा जडतालाई छिचोलन सकिन्छ ।
३) गतिको चरण: तपाईले धेरै पटक छोटो दुरी दौडिनुपर्छ । पुनरावृत्तिबाट तपाईको स्वाभाविक गति बढ्छ ।
४) समापन: धावकले आफ्नो गति सहनशीलता प्रयोग गर्नुपर्छ । उनीहरुले आफ्नो शक्तिसहनशीलता पनि प्रयोग गर्नुपर्छ । यी दुई गुण सङ्घर्ष गर्न सक्ने जोसले उनीहरुलाई राम्ररी दौड पूरा गर्न सघाउँछन् । उत्कृष्ट पुरुष धावकले १०० मिटर १० सेकेन्ड भित्र सक्छन् । अनि उत्कृष्ट धाविकाले ११ सेकेन्डभित्र सक्छिन् ।
यी चार चरणमा सफल हुन चारवटा गुण चाहिन्छ । गति, शक्ति, गति सहनशीलता अनि सङ्घर्ष गर्ने जोस । सङ्घर्ष गर्ने जोसले आफुभन्दा अगाडिका धावकलाई उछिन्न सघाउँछ । आनि पछाडिका धावकलाई तपाईलाई उछिन्न नदिन । (बीबीसी)
