काठमाडौँ । खेलप्रतिको अल्पज्ञानले कहिलेकाहीँ नेताहरु हाँसोको पात्र बन्ने गरेका छन् । यस्तै हाँसोको पात्र अहिले नेपाली कांग्रेसका केन्द्रीय सदस्य नैनसिंह महर बनेका छन् ।
आइतबार पुरुषतर्फको टि–२० विश्वकप क्रिकेट प्रतियोगिताको फाइनल खेलमा इंग्ल्यान्डले पाकिस्तानलाई पराजित गरेको थियो ।
नेता महरले पनि विजयी टिम इंग्ल्यान्डलाई बधाई दिए । उनले फेसबुकमार्फत इंग्ल्यान्ड टोलीको फोटोसहित बधाई दिएका हुन् । तर उनले स्टाटसमा विजेता इंग्ल्यान्डको टोलीलाई बधाई दिइरहँदा फोटो भने इंग्ल्यान्डको फुटबल टिमको फोटो राखेका छन् ।
उनको स्टाटस र फोटोलाई सेयर गर्दै प्रभात भट्टराईले लेखेका छन्, “युवा नेता भएपछि यत्तिको खेल ज्ञान त चाहियो नि ! क्या बात् नैनसिंह दाजु ।”
सामाजिक सञ्जालमा आलोचना भएपछि महरले फोटो परिवर्तन गर्दे क्रिकेट टिमको फोटो राखेर बधाई दिनु भएको छ ।
