मेलबर्न । आईसीसी टी(२० विश्वकपको उपाधि भिडन्तमा आज इङ्गल्यान्ड र पाकिस्तान भिड्दैछन् । मेलबर्न क्रिकेट मैदानमा हुन गईरहेको खेलमा इङ्गल्यान्डले टस जितेर बलिङ रोजेको छ ।
नेपाली समयअनुसार पौने २ बजे सुरु हुने खेलमा इङ्गल्यान्डले पहिला पाकिस्तानविरुद्ध बलिङ गर्ने भएको हो।
समूह चरणमा भारत र जिम्बाब्वेसँग पराजित भएपछि पाकिस्तानले शानदार पुनरागमन गरेको थियो । अर्कोतर्फ दक्षिण अफ्रिकामाथि नेदरल्याण्ड्सको जितपछि भाग्य चम्किँदै नकआउट चरणमा पुगेको पाकिस्तानले मौकाको फाइदा उठायो । सेमिफाइनलमा उपाधि दाबेदार न्यूजिल्याण्डलाई पाकिस्तानले पराजित गरेको थियो ।
अर्कोतर्फ, समूह चरणमा आयरल्यान्डजस्तो कमजोर टोलीसँग पराजित भएपछि इंग्ल्यान्डले पनि पुनरागमन गरेको थियो । दुवै टोली आ–आफ्नो सुपर १२ समूहमा दोस्रो भएका थिए ।
विश्वको दोस्रो नम्बरमा रहेको इंग्ल्यान्ड र तेस्रो नम्बरमा रहेको पाकिस्तान टोली अहिले उत्कृष्ट लयमा छन् । दुवै टोलीबीच कडा प्रतिस्पर्धा हुने अपेक्षा गरिएको छ ।
