धादिङ । धादिङमा धान पराल बोकेको गाडी दुर्घटना हुदा एक जनाको मृत्यु भएको छ ।
शनिबार ज्वालामुखी-४ ढोलाटारीबाट अर्याल गाउँतर्फ धान पराल बोकेर जादैँ गरेको ग-१-ज-५५८० नम्बरको बोलेरो गाडी राति ८:२० बजे अनियन्त्रित भई सडकबाट ५० मिटर तल खस्दा दुर्घटना भएको हो ।
दुर्घटनामा ३५ बर्षिय उत्तम अर्यालको मृत्यु भएको प्रहरीले जनाएको छ । अर्यालको घटनास्थलमा नै मृत्यु भएको हो ।
चालक समीर गदेल सहित घाइते ६ जनाको जिल्ला अस्पताल धादिङमा उपचार भईरहेको प्रहरीले जनाएको छ ।
