रुपन्देही । सोमबार रुपन्देहीको देवदह नगरपालिका(५ पाल्पाली टोलमा एक दम्पती मृत अवस्थामा फेला परेका छन् ।
देवदह प्रहरी चौकीका प्रमुख गंगाबहादुर सारुको अनुसार घरभित्र चुकुल लागेको अवस्थामा उनीहरूको शव भेटिएको हो ।
वैदेशिक रोजगार बाट केही दिनअघिमात्र छुट्टीमा नेपाल आएका ३६ वर्षीय बोलिन्द्र जोल्मी मगर र उनकी श्रीमती ३२ वर्षीया हेमकला मृत भेटिएका हुन् ।
प्रहरीकोको अनुसार श्रीमतीको शव भुइँमा तन्नाले बेरिएको अवस्थामा छ भने बोलिन्द्र पंखामा झुण्डिएको अवस्थामा भेटिएका छन् । पत्नीको हत्या गरेपछि बोलिन्द्रले आत्महत्या गरेको हुनसक्ने प्रहरीले प्रारम्भिक अनुमान गरेको छ । घटनाबारे थप अनुसन्धान भइरहेको छ ।
