काठमाडौँ । प्रमुख निर्वाचन आयुक्त दिनेशकुमार थपलियाले उम्मेदवारले आफ्नो निर्वाचन क्षेत्रमा सभा आयोजना गर्दा मञ्च बनाउँदा लागेको खर्च विवरण पेश गर्नुपर्ने बताउनुभएको छ ।
निर्वाचन सकिएको १५ दिनभित्र आफ्नो निर्वाचन क्षेत्रमा भएका आमसभा वा कोणसभाका लागि मञ्च बनाएको भएको त्यसको खर्च विवरण पेश गर्न उम्मेदवारहरुलाई निर्देशन दिइएको उहाँले बताउनुभयो ।
साथै प्रमुख निर्वाचन आयुक्त थपलियाले चुनाव प्रचारप्रसारमा जाँदा संघीय वा प्रदेशमन्त्रीले आयोगको अनुमति लिनुपर्ने जानकारी दिनुभयो । चुनाव प्रचारप्रसारमा जाँदा मन्त्रीहरुले सरकारी स्रोत साधनको प्रयोग गरेको वा नगरेको बारे आयोगले निगरानी गर्ने उहाँको भनाइ थियो ।
