काठमाडौं । अभिनेत्री श्वेता खड्काले पुत्रीलाभ भएपछि जीवनको सबै भन्दा ठूलो अवार्ड प्राप्त गरेको जनाएकी छिन् ।
मंगलबार अपरान्ह ग्रान्डी सिटी अस्पतालमा उनले पहिलो सन्तानलाई जन्म दिएपछि साँझ सामाजिक संञ्जालमा एक स्टाटस राख्दै खड्काले सन्तान प्राप्तिले खुशिको अर्को रङ्ग पोतिएको र आशाको अर्को दिप झुल्किएको जनाएकी छिन् ।
उनले लेखेकी छिन्
लामो अन्तराल पश्चात् मेरो जीवनमा खुसीको अर्को अध्याय थपिएको छ । खुशिको अर्को रङ्ग पोतिएको छ अनि आशाको अर्को दिप झुल्किएको छ । मेरो दाम्पत्य जीवनमा एउटी सुन्दर, सुशील र अवोध सुपुत्रीको आगमनसंगै जीवनको अर्को पाटो सुरुभएको छ ।
आजबाट मैले संसारकै सबै भन्दा सुन्दर शब्द ‘आमा’ बाट सम्बोधित हुने एउटा भाग्यमानी नारीको जमातमा सामेल हुने मौका पाएकी छु । यो मेरो जीवनको सबै भन्दा ठूलो अवार्ड हो , सबैभन्दा अमुल्य प्राप्ती अनि बहुमुल्य सम्पत्ती हो ।
मेरो प्रशव अवस्थामा सुस्वास्थ्यको कामना गरी म प्रती साहनुभुती जनाईदिने मेरा आफन्त, परिवार, नातागोता र सुभचिन्तकहरु सम्पुर्ण प्रती हार्दिक आभार ब्यक्त गर्दै मेरो सुख दुखमा कोमल हात दिने अनि न्यानो साथ दिने मेरो जीवनसाथी बिजयन्द्र शिह रावत लाई मुरी मुरी माया ।
मेरो काखमा मुसुक्क मुस्कुराई रहेकी सानी ‘परी’ लाई यो खुल्ला आकाश अनि सुन्दर धर्तीमा हार्दिक स्वागत ।
