काठमाडौँ । नेत्रविक्रम चन्द विप्लव नेतृत्वको नेपाल कम्युनिष्ट पार्टीले आसन्न आम निर्वाचन विथोल्ने निर्णय गरेको छ ।
यही कात्तिक ४ गते बसेको नवौँ महाधिवेशनबाट निर्वाचित केन्द्रीय समितिको बैठकले निर्वाचनलाई खारेज गर्ने निर्णय गरेको थियो । काठमाडौँमा आयोजित पत्रकार सम्मेलनमा स्थायी कमिटीका सदस्य सन्तोष बुढामगरले चुनाव खारेज अभियानअन्तर्गत देशव्यापीरुपमा भण्डाफोर र प्रचार अभियान चलाउने निर्णय भएको जानकारी दिए ।
बैठकले विप्लवका दाजु वीरजंगको मृत्युबारे अध्ययन गर्न पार्टीका प्रवक्ता खड्गबहादुर विश्वकर्मा प्रकाण्डको नेतृत्वमा पाँच सदस्यीय छानबिन समितिसमेत गठन गरेको छ ।
