एजेन्सी । इंग्लिस प्रिमियर लिग फुटबल अन्तर्गत शीर्षस्थानको आर्सनलले बराबरी खेलेको छ । आइतबार राति भएको खेलमा आर्सनलले साउथह्याम्प्टनसँग १-१ गोलको बराबरी खेल्दै अंक बाँडेको हो ।
साउथह्याम्पटनको मैदानमा भएको खेलमा ११ औं मिनेटमा ग्रानिट जाकाले गोल गर्दै आर्सनललाई सुरुवाती अग्रता दिलाएका थिए । यता, खेलको दास्रो हाफको ६५ औं मिनेटमा स्टुआर्ट आर्मस्ट्रङले गोल गर्दै साउथह्याम्प्टनलाई हारबाट जोगाए ।
बराबरीसँगै ११ खेलबाट २८ अंकसहित आर्सनल शीर्षस्थानमा यथावत छ । साउथह्याम्प्टन १२ खेलबाट १२ अंकसहित १५ औं स्थानमा छ ।
