मनाङ। प्रमुख निर्वाचन आयुक्त दिनेश कुमार थपलियाले अहिले निर्वाचनको सघन तयारीको अवस्थामा रहेको बताउनुभयो ।
नेपाल टेलिभिजनद्वारा हिजाे पोखरामा आयोजित जिल्ला संवाददाताका लागि निर्वाचन रिपोर्टिङ तथा पुनर्ताजगी तालिमको उद्घाटन गर्नुहुँदै थपलियाले सो बताउनुभएको हो ।
“उम्मेदवारी स्पष्ट भइसकेकाले सञ्चारकर्मीका लागि निर्वाचनको अत्यन्तै महत्वपूर्ण, अत्यन्तै जटिल र सघन तयारी गरी मङ्सिर ४ गतेलाई सफल बनाउनु हाम्रो लक्ष्य हो,” उहाँले भन्नुभयो । निर्वाचनलाई सफल र सञ्चार र सरकारको सहयोग अपरिहार्य रहेको उहाँको भनाई छ ।
यो निर्वाचन निर्वाचन मात्रै नभएर लोकतन्त्रको संरक्षणका लागि भएको थपलियाले बताउनुभयो । संवैधानिक आयोग भएकाले त्यसका अतिरिक्त निर्वाचनको वातावरण र मिति तय गर्ने सञ्चारकर्मीले भूमिका निर्वाह गरेको उहाँले बताउनुभयो ।
“बहुदलीय प्रतिस्पर्धात्मक संघीय लोकतान्त्रिक प्रणालीलाई स्थापित गरेकोले यहाँ दलहरुको भूमिका रहेको छ । राजनीतिक दलको प्रतिनिबद्धता, सहभागिता, चाहना र क्रियाशीलताले निर्वाचनप्रति कुनै पनि अवरोध गर्न सक्ने मानसिकता नरहेको उहाँले स्पष्ट पार्नुभयो । यसले निर्वाचनको सुरक्षाको काम गरेको उहाँको भनाई थियो ।
नागरिक समाज सबैभन्दा माथि आमसञ्चार क्षेत्रको अग्रसरताले निर्वाचन पुरा गर्ने अवसर पाएको उहाँले बताउनुभयो । “हामी कुनै उम्मेदवारले जित्ने, हार्ने हुने प्रक्रियाको सुरुआत भएको र हरेक नागरिकलाई नेतृत्व छान्ने अवसरका लागि अधिकार प्रयोग पाएका छन्,” थपलियाले भन्नुभयो ।
पत्रकारिताको मूल्य, मान्यतालाई ख्याल गरी सञ्चारकर्म गर्न उहाँले आग्रह गर्नुभयो । नेपाल टेलिभिजनसँग सम्बद्ध पत्रकार राजनीतिक दलमा आवद्ध भएको नभएको वाच डकको रुपमा निर्वाचनले अनुगमन गर्ने उहाँको भनाई छ । सबैलाई समान राखेर काम गर्न उहाँको सुझाव छ । सरकारी सञ्चारमाध्यममा आवद्ध पत्रकारलाई आयोगले स्पष्टीकरण सोध्ने अवस्था सिर्जना नगर्न उहाँले बताउनुभयो ।
नवीन लामिछाने / रासस
