काठमाडौँ । कानून, न्याय तथा संसदीय मामिलामन्त्री गोविन्द कोइराला बन्दीको कार्यकाल आजदेखि समाप्त भएको छ ।
उहाँले आजै दिउँसो ३ बजे पत्रकार सम्मेलन गरी मन्त्री पद त्याग गर्ने न्युजपोलारलाई जानकारी दिनुभयो । प्रधानमन्त्री शेरबहादुर देउवालगायत आफ्ना दलका नेताहरुलाई मन्त्री बन्दीले पद छाड्नेबारे जानकारी गराउनुभएको बताइएको छ ।
संघीय संसद्को सदस्य नभएको व्यक्ति छ महिनाका लागि मन्त्री हुन पाउने संवैधानिक व्यवस्थाबमोजिम नियुक्त भएका मन्त्री कोइरालाको छ महिनाको अवधि आजदेखि समाप्त भएको हो ।
निर्वाचनको घोषणापछि सरकार काम चलाउ बनेको छ । यस्तो अवस्थामा अन्य मन्त्रीहरुसमेत अहिले संसद् सदस्य रहेका छैनन् ।
त्यसैले उहाँलाई पनि मन्त्री पद त्याग्न हतार नगर्न सुझाव दिइएको बताइएको छ । तर उहाँले मन्त्री पद त्याग गर्ने मनस्थिति बनाउनुभएको समाचार छ ।
